डॉ.नंदा शिवगुंडे,अध्यक्ष

१९९५ मध्ये माझ्या वडिलांचे निधन झाले. दीर्घकाळ आजारपण होतेच, आजारपणा मध्ये त्यांची सेवा करायची इच्छा असताना सुद्धा शिक्षणा साठी बाहेर गावी शिकायला असल्यामुळे ते शक्य झाले नाही, ती खंत सतत मनामध्ये होतीच. सोलापूर येथे Health Assistant चा निवासी कोर्स सुरु केला व हा कोर्स सुरु असताना मनामध्ये विचार आला कि आज माझ्या वडिलांना मी वेळ नाही देऊ शकले, असे किती जण असतील समाजामध्ये ज्यांना इच्छा असून सुद्धा आपल्या वृद्ध आई वडिलांची सेवा करता येत नाही. मग तेव्हा Health Assistant चे विद्यार्थी घरोघरी पाठवून अशा लोकांची काळजी घेण्यास सुरु केली. कुठेतरी मनामध्ये समाधान कि आपल्या वडिलांच्या जागी हे लोक आहेत आणि आपण त्यांची सेवा करून, जणू आपल्या कर्माचे प्रायश्चितच करतोय. पण रोज प्रत्येक घरी जाऊन रुग्ण पाहणे अवघड जाऊ लागले म्हणून “आधार केअर सेंटर” ची सुरुवात २००३ साली झाली. “अंथरुणाला खिळलेल्या रुग्णांची निवासी रुग्णसेवा”. प्रयोग होता समाज कितीपत स्वीकारेल माहित नव्हते. Read More

डॉ. प्रतिक शिवगुंडे ,सचिव

आधार विश्वस्त संस्थेची सुरुवात इ.स. २००१ मध्ये झाली. तेंव्हा मी ८ वर्षांचा होतो. त्यामुळे रुग्णसेवेचे संस्कार लहानपणापासूनच माझ्यावर झाले असे म्हणता येईल. सुरुवातीच्या काळात आधार मधील आजी आजोबांची मी विविध प्रकारे सेवा करीत असे. उदा. त्यांना आंघोळ घालणे, औषधे देणे, त्यांना फिरायला घेऊन जाणे ही कामे मी आवडीने करीत असे. १५-१६ वर्षांच्या मुलांसमोर करिअर निवडीचा मोठा प्रश्न असतो. ते या बाबतीत अतिशय गोंधळलेले असतात. परंतू १२ वी नंतर काय करायचे या बाबतीत माझे ध्येय आणि उद्दिष्ट अतिशय स्पष्ट होते. मला आधार मधील आजी आजोबांची सेवा करण्यासाठी डॉक्टरच व्हायचे होते. वैद्यकीय महाविद्यालयात प्रवेश घेताना माझ्या समोर पुण्यास अथवा मुंबईस प्रवेश घेण्याचा पर्याय होता. मला तेथे माझ्या गुणवत्तेवर प्रवेश मिळाला होता. Read More

श्री. सतीश मालू ,खजिनदार

२००५ साली आमच्या वडिलांच्या आजारपणामध्ये मालू परिवाराचा व डॉ नंदा शिवगुंडे यांचा संबंध आला. त्यावेळेस त्यांनी एका छोट्या घरात सुरु केलेल्या आधार या संस्थेची माहिती मिळाली व नकळत या संस्थेशी जोडलो गेलो. सुरुवातीला विजापूर रोड येथील मंत्री चांडक नगर त्यानंतर भोगावं येथे झालेले स्थलांतर हे सर्व जवळून पाहण्याचा योग् आला. जेंव्हा जेंव्हा आधार मध्ये येत गेलो तेंव्हा तेंव्हा समाजातील आवश्यकतेची वेगवेगळी रूपे दिसू लागली. आधार संस्थेतील रुग्णाची वाढती संख्या वत्यांच्यासाठी लागणाऱ्या विविध उपचारांची व्याप्ती पाहून नवीन इमारतीची गरज जाणवली व त्यातूनच आमच्या परिवारातर्फे साकार झाले श्री बद्रीनारायण श्रीकिशन मालू रिहॅब सेंटर. Read More